A Fundación Cangas Deporte xunto cos clubes dos deportes ofertados, ten programado para o mes de Outubro o comenzo da septima edición do programa onde, a través dos Centros de Ensinanza infantil, primaria e secundaria da vila de Cangas, quérese achegar tódalas variedades deportivas existentes no noso concello, e outras novas, para así aumentar a oferta deportiva ós nenos e nenas do mesmo.

Tendo en conta tódolos deportes que contan cun clube federado na vila de Cangas, e algún outro que se pretende dar a coñecer, achégase ás ANPAs dos Colexios esta oferta deportiva variada.

Con isto preténdese dar a posibilidade ós nenos de Cangas de ter unha oferta deportiva amplia e máis accesible para poder practicar deporte, ademáis de xerar hábitos de tempo libre saudables na nosa mocidade.

Para poder levar a cabo este proxecto de iniciación deportiva, é necesaria a colaboración e implicación de diferentes partes para abarata-lo coste da actividade, para os participantes, o tempo que se consigue unha oferta atractiva e de calidade, que redundará nun aumento da práctica deportiva en xeral e da captación de xoves deportistas ó clube correspondente. A Fundación Cangas Deporte será a encargada da xestión e coordinación do Proxecto, colaborando na difusión da oferta deportiva e na organización da mesma.