Nenos/as con idades comprendidas entre 3 e 16 anos. Os interesados poderán participar nas actividades en función do curso escolar no que estén inscritos

Dende o mes de Outubro ata o mes de Maio. Os cursos serán dunha hora semanal, a excepción da Psicomotricidade e a Vela que será de 2 h semanais, durante os oito meses. O horario principal dos cursos será de 16:00/19:30 (Luns a Venres) e de 10.00/14.00 h (Sábados), dependendo de cada deporte e dos horarios dos centros que teñan estudios polas tardes.

O final do curso celebrarase unha festa clausura con agasallos para t ódolos participantes.

O prazo de recollida de inscripcións irá dende o Mércores 26 de Setembro ata o Mércores 3 de Outubro (ambos inclusive). As follas de inscripción e o pago das actividades deberanse entregar na sede da Fundación Cangas Deporte, sita na Casa da Xuventude de Cangas, de Luns a Venres e en horario de 09.30/13.30 h.

Durante o desenrrolo das diferentes escolas deportivas o clube/monitor será o responsable principal do control dos alumnos/as, tendo estes que ser recollidos puntualmente polos seus pais/titores unha vez rematada a actividade.